Syriza desafía a troika

A imprensa internacional réndese ao trunfo de Syriza nas súas capas. O sorpasso de Syzria remata co bipartidismo. Tsipras comeza hoxe a rolda de conversas para formar goberno logo de rozar a maioría absoluta.

Despois do reconto do 99,5% dos escrutinios, Syriza apañou o 36,34% dos votos, que se traduce en 149 escanos, dous por baixo da maioría absoluta.

Os conservadores de Nova Democracia do até o arestora primeiro ministro, Andonis Samaràs, ficou co 27,81% (76 escanos).

Tsipras: “Grecia vira a páxina, deixa atrás o desastre da austeridade “

No terceiro lugar os neonazis e Alba Dourada co 6,28% (17 escanos), seguidos de To Potami, co 6,05% (17 escanos).

A seguir, os comunistas, co 5,47% (15 escanos), ANEL,co 4,75% (13 escanos) e os socialdemócratas de Pasok, até o de agora socios do goberno de Samaràs, co 4,68% (13 escanos)

Os gregos quixeron recuperar a xestión do seu país . Porén, non convidan ao optimismo as primeiras reaccións da UE negando a posibilidade de quitanza.O presidente do Parlamento Europeo xa expresou á radio pública alemá Deutschlandfunk o seu convencemento de que Grecia non terá quitanza da débeda e ve como alternativa a mellora dos ingresos do estado grego e a loita contra a evasión fiscal. Tamén afirmou que o próximo goberno grego non ten con certeza “ningún poder de coacción” xa que é un máis dos 19 paises da eurozona.

Martin Schulz (presidente do Parlamento Europeo: “Tsipras é un “pragmático”, “que sabe moi ben que terá de adoptar compromisos tanto a nivel interno, para acadar un socio minoritario de goberno, como a nivel europeo”