DO 3 DE NOVEMBRO DE 2025
Hoxe de novo estamos aquí, en Ferrol, nunha nova acción en solidariedade
co Pobo Palestino, no 759 día do Xenocidio, onde as autoridades palestinas
manteñen as seguintes cifras oficiais da atrocidade sionista sobre as
persoas: 68.865 asasinadas; 170.670 feridas e máis de 9.500 desaparecidas.
Os datos sobre a destrución das infraestruturas, vivendas, hospitais, escolas,
lugares de culto, universidades, centros culturais e deportivos, foron
difundidos ate por medios que amosaron complicidade co xenocidio, cifrando
en máis do 90% de destrución.
Describe a situación, o escritor palestino Jamal Kanj que “desde o
cesamento do fogo en Gaza que entrou en vigor o 10 de outubro de 2025,
Israel volveu demostrar a súa impunidade ilimitada. En menos de vinte días
desde que se asinou o cesamento do fogo, Israel matou a 226 palestinos,
feriu a 594 e continúa a demoler casas á súa vontade. No mesmo período,
Israel violou o cesamento do fogo máis de 125 veces”.
Que “a violación máis recente ocorreu o 28 de outubro, cando avións de
guerra israelís atacaron a cidade de Gaza e Khan Yunis, matando a 109
persoas, entre elas 46 nenos e 20 mulleres. O presidente Donald Trump
xustificou o asasinato de nenos palestinos, afirmando que "eles (Israel)
deberían contraatacar".
E que un dos ataques, “edificios residenciais enteiros foron arrasados no
centro de Gaza, matando a 18 membros da mesma familia: nenos, pais e
avós por igual. Aínda así, o vicepresidente J.D. Vance cualificou os ataques
israelís de "escaramuzas menores", insistindo en que o cesamento do fogo
se ‘mantiña’. Un portavoz dos Estados Unidos cualificou o asasinato de máis
de 100 palestinos como "limitado e selectivo". Para Washington, a tregua
‘mantense’ mentres as vítimas sexan palestinas e a Resistencia non tome
represalias”.
1 de 5Estamos aquí unha vez máis denunciando ao criminal Estado Sionista de
Israel e aos seus cómplices occidentais que Francesca Albanese: “Relatora
Especial sobre a situación dos Dereitos Humanos nos Territorios Palestinos
ocupados desde 1967”, cifra en 63 países, incluídos estados clave
occidentais e árabes, alimentadores ou cómplices da “maquinaria xenocida
de Israel” en Gaza, escrito e demostrado con documentación e testemuñas
no seu terceiro Relatorio, presentado o 28 de Outubro deste ano, á Asemblea
Xeral no 80º período de sesións. Comparecencia que tivo que facer desde
Sudáfrica por mor das ameazas do réxime imperial USAmericano, presidido
por un anglosionista, asasino confeso, chamado Donald Trump, adulado por
unha corte da mesma especie psicópata-narcisista. Relatorio que no seu
primeiro paragrafo na Introdución deixao moi claro, onde di textualmente:
“Sen a participación, axuda e asistencia directas doutros Estados, a
prolongada ocupación ilegal israelí do territorio palestino, que agora se
converteu nun xenocidio en toda regra, non se podería ter sostido. O apoio
militar, político e económico dalgúns terceiros Estados e a falta de vontade
de responsabilizar a Israel permitiu a Israel implantar o seu réxime de
apartheid colonial no territorio palestino ocupado, con máis colonias,
demolicións de vivendas, restricións á circulación e perda e eliminación de
vidas palestinas. Desde outubro de 2023, Israel aumentou a súa violencia a
un nivel sen precedentes.”
E no segundo paragrafo xa concreta as responsabilidades dicindo que:
“Á luz desta complicidade, este informe demostra que o xenocidio en curso
dos palestinos debe entenderse como un crime internacionalmente
habilitado. Moitos Estados, principalmente occidentais, facilitaron, lexitimaron
e finalmente normalizaron a campaña xenocida perpetrada por Israel. Ao
retratar os civís palestinos como "escudos humanos", e o ataque máis amplo
en Gaza como unha batalla da civilización contra a barbarie, reproduciron as
distorsións israelís do dereito internacional e os tropos coloniais, buscando
2 de 5xustificar a súa propia complicidade no xenocidio.”
A Relatora Especial advertiu que as accións ilegais e as omisións
deliberadas de numerosos Estados armaron, financiaron e protexeron o
apartheid militarizado de Israel, permitindo que o seu proxecto colonial se
convertese nun xenocidio.
Tras a publicación do seu último informe, “Xenocidio en Gaza: un crime
colectivo”, Francesca Albanese sinalou que a diplomacia internacional,
destinada a preservar a paz, utilizouse para xustificar a violencia,
deshumanizar os palestinos e lexitimar a narrativa israelí de "autodefensa".
Salientou que o uso do veto no Consello de Seguridade, os atrasos no
recoñecemento do Estado de Palestina e o acoso aos Estados que levaron
os seus casos á Corte Internacional de Xustiza e á Corte Penal Internacional
contribuíron a esta situación.
"Pedir un cesamento do fogo e un plan de paz mentres se permite que a
ocupación e os asasinatos continúen non é diplomacia; é un dobre discurso
orwelliano que priva aos palestinos da súa capacidade de acción ao
impoñerlles condicións inxustas e ilegais", dixo.
Albanese tamén denunciou que os lazos militares e comerciais con Israel
alimentaron "a maquinaria do xenocidio". Sinalou que, nos últimos catro
anos, Estados Unidos forneceu case dous terzos das importacións de armas
de Israel, mentres que ducias doutros países manteñen intercambios de
armas e tecnoloxía militar.
A relatora pediu a suspensión inmediata de todo comercio, cooperación
militar e relacións diplomáticas con Israel ata que cesen as súas políticas de
ocupación e apartheid. Tamén instou aos estados a garantir un cesamento
do fogo permanente e a responsabilizar a aqueles que participaron en crimes
internacionais.
"Das ruínas de Gaza e da esperanza de Sudáfrica", afirmou, "debe xurdir un
novo multilateralismo, baseado non en privilexios, senón nos dereitos e a
dignidade de todos os pobos".
3 de 5Ao final no seu relatorio Francesca Albanese, fai unha serie de
recomendacións que para nós e para o resto do movemento internacional de
solidariedade coa Palestina Ocupada, pode ser a guía de acción e
reivindicación:
Recordando as súas recomendacións anteriores, a Relatora Especial lembra
a todos os Estados a súa obriga legal de non participar nin ser cómplices das
violacións israelís e, en cambio, de previr e abordar as graves infraccións do
dereito internacional, en particular as establecidas na Carta das
Nacións Unidas e na Convención sobre o Xenocidio.
Dada a emerxencia persistente que non se aborda nos debates e plans de
“paz” actuais, a Relatora Especial insta aos Estados a que non causen máis
danos ao pobo palestino e a :
(a) Exercer presión para lograr un cesamento do fogo completo e
permanente e a retirada total das tropas israelís.
(b) Adoptar medidas inmediatas para poñer fin ao asedio a Gaza, incluído
o despregamento de convois navais e terrestres para garantir o acceso
humanitario seguro e aloxamentos móbiles antes do inverno.
(c) Apoiar a reapertura do aeroporto e porto internacionais de Gaza para
facilitar a entrega de axuda.
Alén da emerxencia, os Estados deben recoñecer a autodeterminación e a
xustiza palestinas como esenciais para unha paz e unha seguridade
duradeiras e, polo tanto:
(a) Suspender todas as relacións militares, comerciais e diplomáticas con
Israel.
(b) Investigar e procesar a todos os funcionarios, empresas e individuos
implicados ou que faciliten o xenocidio, a incitación, os crimes contra a
humanidade e os crimes de guerra e outras graves violacións do dereito
internacional humanitario.
4 de 5(c) Garantir reparacións, incluíndo a reconstrución completa e o retorno.
d) Cooperar plenamente coa Corte Penal Internacional e coa Corte
Internacional de Xustiza;
e) Reafirmar e reforzar o apoio á UNRWA (Organismo de Obras Públicas e
Socorro das Nacións Unidas para as Refugiadas de Palestina no Próximo
Oriente) ao sistema das Nacións Unidas no seu conxunto.
(f) Suspender a Israel das Nacións Unidas en virtude do artigo 6 da
Convención das Nacións Unidas.
g) Actuar no marco de “Unidos pola paz”, de conformidade coa resolución
377 (V) da Asemblea Xeral, para garantir que Israel desmantele a súa
ocupación.
A Relatora Especial insta tamén aos sindicatos, ás avogadas, á sociedade
civil e á cidadanía común a que supervisen as accións dos Estados en
resposta a estas recomendacións e a que sigan premendo ás institucións,
aos gobernos e ás empresas para que apliquen boicots, desinvestimentos e
sancións ate que remate a ocupación ilegal israelí e os delitos relacionados.
Desde o río ate o mar, Palestina vencera !
Viva Palestina Libre !
